Финансиски извештај за 2016 година

создадено на . Објавено во Настани

Радио Слободна Македонија-Медиумски покровител на фестивалот "Вардар филм прикажува македонски филмски класици".

создадено на . Објавено во Настани

Вардар филм прикажува македонски филмски класици

создадено на . Објавено во Настани

 

Фестивал “Вардар филм прикажува македонски филмски класици” по втор пат од 21 до 25 ноември во киното Синеплекс

  

 

 

Четири исклучително важни играни и пет документарни филмови кои беа создадени под логото на “Вардар филм” ќе бидат прикажани на второто издание на Фестивалот “Вардар филм прикажува македонски филмски класици” кој ќе се одржи од 21 до 25 ноември во киното Синеплекс во Скопје.

Станува збор за дел од најзначајните филмски остварувања создавани во најдобрите и најплодните години на продуцентската куќа “Вардар филм” од 1950 до 1997 година.

Љубителите на седмата уметност ќе може да ги  видат класицте: Фросина (1952) во режија Нанановиќ Воислав; Каде по дождот (1967) во режија на Слијепчевиќ Владан; Џипси Меџик (1997) во режија на Столе Попов;  Виза на злото (1959) во режија на Штиглиц Франце и документарните филмови: Дае (1979) во режија на Столе Попов; Пула 1956 (1956) во режија на Славко Јаневски; Радосно детство (1950) во режија на Благоја Дрнков; Тенда (1955) во режија на Петровски Ацо; Охрид (1954) во режија на Билбиловски Киро.

 

Со почит,

Ну Филмски центар Вардар филм Македонија

 

Финансиски извештај за 2015 година

создадено на . Објавено во Настани

Врска:

“Нацрт годишна програма за 2015 година бр.03-88,доставена до Вас на 30.06.2014”

“Договор бр. 15 - 3596/1 од 09.03.2015 година” за БУЏЕТСКА СМЕТКА  -  603

“Барање за измена на Годишен план на буџетска сметка  бр. 03-163 од 18.8.2015 год.

“Анекс договор за добиени дополнителни средства бр. 15-3596/11 од 11.9.2015 год.

Камиони од фундусот на „Вардар филм“ беа користени во снимањето на филмот „Златна петорка“

создадено на . Објавено во Настани

Филмскиот центар „Вардар филм – Македонија“, како наследник на брендот „Вардар филм“, во својот фундус поседува камиони кои се изнајмуваат за потребите на филмските продукции. Продукцијата „Револушн“-Скопје, за потребите во текот на снимањето на филмот „Златна петорка“, изнајми три камиони. Режисерот Горан Тренчовски објасни дека камионите се користени со повеќе намени, а најважните биле следните три намени.

1) Со сценографот Кирил Спасески сакавме веродостојно да ја доловиме епохата (50-тите години од 20. век) низ појавување на движечки или паркирани моторизирани возила, меѓу кои и неколку оригинални камиони. Тогаш во градовите имало само по неколку такви, а со нив располагале или Општината, или ЈНА, или УДБА. Сличен бил и случајот во Струмица, кадешто се случува најголемиот тек од дејствието во филмот „Златна петорка“.

2) Приказната драматуршки наложуваше петтемина струмички студенти (едни од клучните протагонисти) во еден момент да се појават качени токму во камион, возени во непознат правец... За камионите имавме ангажирано стручни лица кои управуваа со возилата во текот на снимањата.

Македонски филмски класици во Видеотеката на МаксТВ

создадено на . Објавено во Настани

Националната установа Филмски центар „Вардар филм - Македонија“ - Скопје склучи договор за соработка со Македонски Телеком АД – Скопје за прикажување на македонски филмски класици во Видеотеката на МаксТВ, по барање од страна на корисниците на МаксТВ-услугата на МКТ на територијата на Република Македонија. Аудиовизуелните дела продуцирани од страна на Филмскиот центар „Вардар филм“ се достапни за корисниците на МаксТВ услугата на Македонски Телеком АД - Скопје од 20.11.2015 година.

Со првиот пакет филмови во Видеотеката на МаксТВ поставени се 15 македонски филмови, и тоа: „Хај - Фај“ во режија на Владимир Блажевски (продукција во 1987); „Три Ани“ на Бранко Бауер (1959); „Среќна Нова ’49“ на Столе Попов (1986); „Планината на гневот“ на Љубиша Георгиевски (1968); „Тетовирање“ на Столе Попов (1991); „Австралија, Австралија“ на Столе Попов (1976); „Дае“ на Столе Попов (1979); „До победата и по неа“ на Жика Митровиќ (1966); „Мис Стон“ на Жика Митровиќ (1958); „Под исто небо“ на Миомир Стаменковиќ и Љубиша Георгиевски (1964); „Солунските атентатори“ на Жика Митровиќ (1961); „Републиката во пламен“ на Љубиша Георгиевски (1969); „Црно семе“ на Кирил Ценевски (1971); „Црвениот коњ“ на Столе Попов (1981); и „Цената на градот“ на Љубиша Георгиевски (1970).

Филмска ревија „Македонски филмски класици“ низ Македонија

создадено на . Објавено во Настани

Филмската ревија со наслов „Македонски филмски класици“, како дел од наследството на „Вардар филм“, по прикажувањето во текот на октомври 2015 година во киното „Синеплекс“ во Скопје, беше прикажана и во 12 градови низ Република Македонија. Филмскиот центар „Вардар филм – Македонија“, покрај својата основна дејност, обезбедување техничка поддршка за филмските продукции, интензивно и посветено работи и на развојот и промовирањето на македонската филмска уметност.

Љубителите на седмата уметност во 12 македонски градови ги гледаа класиците: „Хај – Фај“ во режија на Владимир Блажевски (снимен 1987); „Три Ани“ во режија на Бранко Бауер (1959); „Среќна Нова ’49“ во режија на Столе Попов (1986); „Планината на Гневот“ во режија на Љубиша Георгиевски (1968) и „Тетовирање“ во режија на Столе Попов (1991).

Вистински настан на ликвидација на струмички студенти во 1951 година ќе добие филмска верзија

создадено на . Објавено во Настани

Првата клапа од снимањето на долгометражниот игран филм „Златна петорка“ во режија на Горан Тренчовски, поддржан од Агенцијата за филм на РМ, ќе падне на 19 октомври (понеделник), во 12.30 часот, на локацијата Мал парк во Струмица. Играниот филм „Златна петорка“ е во продукција на „Револушн“ - Скопје, копродуценти се Македонската телевизија и „Арт-попкорн“ од Белград, а помагатели на проектот се Општина Струмица, Босилово и Василево. Сценариото филмот е работено по драмски и прозни мотиви на писателот Братислав Ташковски, а него го потпишуваат Елеонора Венинова и Билјана Гарванлиева заедно со косценаристот Тренчовски. Продуцент е Дејан Милошевски, директор на фотографија е Апостол Трпески, сценограф е Кирил Спасески, костимограф Нела Тодоровска, шминка Ирена Сенокозлиоска, тонот е на Дарко Спасовски-Пацки, една музичка нумера во филмот изведува групата „Баклава“, а филмот ќе го монтира Андрија Зафрановиќ.

Со филмска ревија на македонски класици се враќа брендот „Вардар филм

создадено на . Објавено во Настани

Петдневна филмска програма со наслов „Македонски филмски класици“, како дел од наследството на „Вардар филм“, се одржува од 8 до 12 октомври во „Синеплекс“. Филмската ревија содржи пет македонски играни филмови и беше најавена од министерката за култура, Елизабета Канческа-Милевска, директорот на НУ Филмски центар „Вардар филм - Македонија“, Димо Попов, и претставничката на „Синеплекс“, Кети Кочкова Јовашевиќ.

Ревијата „Македонски филмски класици“ се реализира како активност во функција на навраќање и потсетување на дел од најзначајните филмски остварувања создавани во најдобрите и најплодните години на продуцентската куќа „Вардар филм“.

„Како што знаете, оваа продуцентска куќа од своето основање во 1947 година до 90-тите години беше единствениот македонски филмски продуцент и таа несомнено ги постави темелите на македонската кинематографија. Со поддршка на ’Вардар филм‘ беа снимени повеќе големи филмски остварувања кои и денеска се императив во филмската историја на државите од регионот и пошироко. Во таа смисла, со задоволство би сакала да го најавам првото издание на фестивалот ’Вардар филм прикажува – македонски филмски класици‘, во чии рамки ќе бидат прикажани пет исклучително важни филмови, кои во периодот од 1959 до 1991 година беа создадени под логото на ’Вардар филм‘ и беа наградени со релевантни признанија“, истакна министерката Канческа-Милевска.

Македонски филмски класици

создадено на . Објавено во Настани

ХАЈ - ФАЈ  08.10.2015

Година: 1987, Режија: Владимир Блажевски, Сценарио: Горан Стефановски, Улоги: Фабијан Шоваговиќ, Данчо Чарески, Елизабета Џоревска, Мето Јовановски, Вукосава Донева

ТРИ АНИ 09.10.2015

Година: 1959, Режија: Бранко Бауер, Сценарио: Слободан Глумац, Улоги: Гал Дубравка, Стефановиќ, Душан, Кон Марија, Мишовиќ Светлана

СРЕЌНА НОВА `49  10.10.2015

Година: 1986, Режија: Столе Попов, Сценарио: Гордан Михиќ, Улоги: Мето Јовановски, Светозар Цветковиќ, Владислава Милосавлевиќ

  

Cineplex

создадено на . Објавено во Настани

Makедонските филмски класици снимени во последните децении од минатиот век се работени во поинакви технолошки услови од филмовите снимени денес - во дигиталната ера. Промената на технологијата влијае и на креативниот израз - филмските автори и работници во минатото имале поинаков пристап кон филмскиот кадар, а тоа се приметува во искреноста и неповторливоста на сцените, визуелните решенија кои на моменти делуваат скромно, но сепак останале во сеќавањето на генерации филмски заљубеници.

Бидејќи под познатото лого на Вардар Филм беа снимени дузина впечатливи филмски дела, а охрабрени од фактот дека публиката од просторите на поранешна Југославија и денес посакува да ги гледа македонските филмски класици, се одлучивме да овозможиме филмовите да бидат достапни и во комерцијално домашно кино.