На наше задоволство, Ве информираме дека годинава ќе бидеме дел од 4-тото издание на МакеКоПроДокс форумот е од исклучително значење за документарната филмска кинематографија. Форумот ќе се одржи на 22ри и 23ти август во МКЦ, за време на 13-тото издание на меѓународниот фестивал на креативен документарен филм МакеДокс, кое ќе се одржи од 18 до 25 август.
На форумот ќе заземат учество претставници од балканските филмски центри, филмски дистрибутери, претставници на телевизии, претставници на филмски фестивали, продуценти, како и режисери и продуценти на 11 проекти во различни фази на продукција кои се одбрани за форумот.
Вардар филм оваа година ќе учествува како поддржувач на форумот и за таа цел потпиша меморандум за соработка со здружението МакеДокс, кој остава простор за понатамошна и долгорочна соработка на заеднички проекти и придонес во сферата на документарната кинематографија.
– Повеќе за форумот можете да прочитате тука: https://cutt.ly/zZ3Iv93
– Распоред на форумот: https://cutt.ly/oZ3IT1o
